يا من تركتني
يا من تركتني
و انا لسَّه نبتة صغيرة
تحتاج رعاية كبيرة
دي رسالتي ليك
يوم ما سبتني وجرحت قلبي
و كان الذنب مش ذنبي
عشت ايام و ليالي
و انا بابكي على حالي
ظلمك ما كانش شوية
آه لو تعرف أثره فيَّ
يا ابو قلب ما يعرف حنِّية
أيوه
كان نفسي أعيش ويَّاك
لكن
ها يفيد بإيه
و انا أصلاً مش فارقة معاك
و برغم مرور السنين
ما رجع لك يوم الحنين
يا خسارة على الآباء العايشين
و يتكفل بأولادهم ناس تانيين
و كإنهم ميِّتين
و يا خسارة على الحنية
اللي من قلوبهم مدَّارية
حتى ف شهر البركة والخير
ما حنتش لقلب رقيق
زي الطير
و ف يوم العيد
يا ترى
بتفكَّر ضناك لبس جديد
!!!
؟؟؟
ف يوم باعني أب
لكن اشتراني واحد كريم
اسمه الرب
إوعى تفكر انه ها يرحمك من العذاب
ف الدنيا
و ف يوم الحساب
و يوم ما تجيب أطفال تانيين
و تشوف دموعهم
دي مش دموعهم
دي دموعي أنا ف عيونهم
ساعتها افتكرني
و اِعرف انك ظالمني
و انك لا ف يوم ها ترتاح
و لا ها تشوف أفراح
و ابشَّرك
...
انت خسرتني
و لا يوم ها تذلني
و من غيرك
ها اكمل طريقي
و بإصراري
المستقبل هايكون صديقي
يومها
مش من حقك تفرح وتتباهى
باللي كسرتها
و من حضنك و حنانك
حرمتها
و من دنيتك وحياتك
طردتها
الرئيسية 
علبه دردشه الاعضاء 
المزاج